Шыршы баҙарҙарының урындары билдәләнде

15-31 декабрҙә Өфөлә 43 майҙансыҡта ылыҫлы ағастар менән сауҙа итеү ойошторола. Ҡағиҙә булараҡ, шыршы баҙарҙары өсөн халыҡ күп йөрөгән урындар һайланған.

Яңы йыл символын – шыршыны, аҡ шыршыны, ҡарағайҙы шулай уҡ ҙур сауҙа предприятиелары эргәһендәге биләмәләрҙә (идара итеүсе компаниялары мәғлүмәттәре буйынса, 28 сауҙа-сервис комплексы, магазиндар һәм фермер йәрминкәләре янында шыршы бҙарҙары урынлаштырыла) һәм ял көндәрендә уҙғарылған ауыл хужалығы йәрминкәләре майҙансыҡтарында һатып алырға мөмкин.

Өфө биләмәһендә ылыҫлы ағастар һатыу урындары тураһында мәғлүмәт менән ҡала хакимиәте сайтында танышырға була.