+16 °С
Дождь
Общие статьи
2 Декабря 2020, 19:22
Ике кеше вафат
Башҡортостанда аҙаҡҡы тәүлектә тағы ла 142 кешелә COVID-19 вирусы асыҡланған
Республиканың Һаулыҡ һаҡлау министрлығы коронавирусҡа бәйле һуңғы мәғлүмәттәрҙе еткерҙе.
Башҡортостанда аҙаҡҡы тәүлектә тағы ла 142 кешелә COVID-19 вирусы асыҡланған, шуның менән сирлеләрҙең дөйөм һаны 14 548-гә етте. Һауыҡҡандар – 12 140 (һуңғы тәүлектә 131 кеше өҫтәлгән). Вафат булғандарҙың дөйөм иҫәбе – 85 (һуңғы тәүлектә тағы ике кешенең үлеме теркәлгән).
Республика стационарҙарында – 549 (шул иҫәптән 43 кеше ауыр хәлдә, 11-е үпкәне яһалма елләтеү аппаратына тоташтырылған), амбулатор шарттарҙа 1774 ауырыу дауалана.
Коронавирус инфекцияһы тарала башлағандан алып республика лабораторияларында 1 719 709 тикшереү үткәрелгән, һуңғы тәүлектә - 11017.
Пневмонияға килгәндә, һуңғы тәүлектә 427 кешегә ошо диагноз ҡуйылған, был ауырыуҙан һауыҡҡан 433 пациент дауахананан сығарылған.
Иң күп сирлеләр Өфө ҡалаһында (5313), унан Туймазы (945) һәм Бәләбәй (834) райондары килә.
Редакция һайлауы
