“Рәсәй транспорты” форумы

Башҡортостан Башлығы Радий Хәбиров Мәскәүҙә ойошторолған XIV халыҡ-ара “Рәсәй транспорты” форумында республмка делегацияһына етәкселек итә.

Делегаттар “Рәсәй транспорты. Тиҙлек, уңайлылыҡ һәм һөҙөмтәлелек” тип аталған пленар дискуссияла, шулай уҡ кәңәшмәләрҙә һәм тармаҡ конференцияларында ҡатнашасаҡ. Республика етәксеһе бер нисә эшлекле осрашыу үткәрәсәк, Башҡортостан экспозицияһы ҡуйылған “Рәсәй транспорты” халыҡ-ара күргәҙмәһен ҡараясаҡ. Ул төбәк тармағының һиҙелерлек уңыштарына һәм транспорт, юл төҙөлөшө өлкәһендәге эре инфраструктура проекттарына арналған.