Иғтибар, боҙло ямғыр! Башҡортостандың Ғәҙәттән тыш хәлдәр министрлығы насар һауа торошо тураһында иҫкәртә

Башҡортостандың Ғәҙәттән тыш хәлдәр министрлығы республиканың төньяҡ райондарында йәшәүселәрҙе насар һауа торошо – боҙло ямғыр, боҙлауыҡ хаҡында иҫкәртә.

Синоптиктар мәғлүмәте буйынса, 19 ноябрҙә киске сәғәт 8-ҙән 20 ноябрь киске 8-гә тиклем көндөң аяҙлы-болотло булыуы фаразлана. Яуым-төшөмһөҙ, төньяҡ райондарҙа бер аҙ ҡар, боҙло ямғыр, боҙлауыҡ, юлда тайғаҡ. Ел көньяҡ-көнсығыштан, көньяҡтан секундына 9-14 метр. Һауа температураһы төндә -9,-14, көньяҡ-көнсығышта -20, көндөҙ -3,-8 градус.

Өфөлә лә көндөң аяҙлы-болотло булыуы көтөлә. Яуым-төшөмһөҙ. Ел көньяҡ-көнсығыштан, көньяҡтан секундына 9-14 метр. Һауа температураһы төндә -10,-12, көндөҙ -4,-6.