Сара дауам итә: ситтә ҡалмағыҙ

Сара сиктәрендә мохтажлыҡ кисереүсе, ауыр тормош хәлендә ҡалған, күп балалы һәм аҙ тәьмин ителгән ғаиләләрҙә тәрбиәләнеүсе балалар өсөн мәктәп кәрәк-яраҡтары (дәфтәрҙәр, ручкалар, буяу ҡәләмдәре, төҫлө ҡағыҙҙар һәм башҡалар) йыйыу ойошторолдо. “Архангельский вестник”, “Инйәр” редакциялары, “Ангел-подорожник” хәйриә фонды Баҡалды ауыл хакимиәте акцияла ҡатнашырға ихлас теләк белдерҙе.

Иҫегеҙгә төшөрәбеҙ, сара 31 авгусҡа тиклем дауам итә, уҡыу кәрәк-яраҡтарын килтереүселәрҙе Архангел ауылы, Совет урамы, 40-сы йорт адресы буйынса урынлашҡан “Ғаилә” район-ара үҙәгенең урындағы бүлеге бинаһында көтәбеҙ. Һорауҙар менән 2-26-74 телефонына шылтыратырға мөмкин.

Һәр килтерелгән әйбер махсус журналда теркәлеп бара. Унда тупланған мәктәп әйберҙәре ауыр шарттарҙа йәшәгән ғаиләләрҙә тәрбиәләнгән балаларға тапшырыласаҡ.

Елена Швейкина,

“Ғаилә” район-ара үҙәгенең райондағы бүлеге начальнигы вазифаһын башҡарыусы.