Инйәр
-28 °С
Болотло
75 лет Победы
Бөтә яңылыҡтар
Общие статьи
14 Август 2020, 14:00

Битараф ҡалмайыҡ

Башҡортостан Республикаһы Хеҙмәт һәм халыҡты социаль яҡлау министрлығы тарафынан сираттағы “Мәктәпкә әҙерләнергә ярҙам ит” акцияһы иғлан ителгәйне.

Уның маҡсаты — ауыр тормош хәлендә ҡалған балаларҙы яңы уҡыу йылына уңышлы әҙерләү өсөн гуманитар ярҙам йыйыу. Акция 1 июлдән 31 августҡа тиклем дауам итә.
Беҙҙең районда мәктәп кәрәк-яраҡтарын килтергән мәрхәмәтлек хәйриәһендә ҡатнашырға теләүселәрҙе Архангел ауылы, Совет урамы, 40-сы йорт адресы буйынса урынлашҡан “Ғаилә” район-ара үҙәгенең урындағы бүлеге бинаһында көтөп ҡалабыҙ. Һорауҙар менән 2-26-74 телефонына шылтыратырға мөмкин.
Кәнсә тауарҙары, яҙыу-һыҙыу, рәсем төшөрөү әйберҙәре, дәфтәрҙәр, балалар ижады йыйылмалары, портфелдәр, мәктәп формалары, уҡыу әсбаптары яҡшы хәлдә йәки яңы булырға тейеш. Был ярҙам инвалид, етем, ата – әсә ҡарауынан мәхрүм ҡалған балаларға, шулай уҡ күп балалы, аҙ тәьмин ителгән һәм тулы булмаған ғаиләлә тәрбиәләнгән балаларға күрһәтелә. Әйберҙәр ай аҙағында таратып биреләсәк.
Читайте нас в