Башҡортостан халҡы торлаҡты аҙыраҡ ала башланы

Айырып әйткәндә, был тораҡ йортҡа (йорт, фатир, фатирҙағы бүлмә) ҡарата хоҡуҡты теркәүгә һәм улар менән алыш-биреш башҡарыуға ҡағыла.

Мәҫәлән, ағымдағы йылдың тәүге дүрт айында республика территорияһында торлаҡҡа хоҡуҡ теркәүҙәрҙең дөйөм һаны 67 274-те тәшкил итте. Был былтырғы ошо ваҡыт менән сағыштырғанда 22 процентҡа кәм (86260). Һатыу-һатып алыу килешеүҙәре нигеҙендә торлаҡҡа хоҡуҡ теркәүҙәр ҙә 13,7 процентҡа аҙайҙы. Үткән йылда улар 31 224 булһа, быйыл ғинуар – апрель айҙарында барлығы — 26 919. Мираҫ буйынса күскән милеккә хоҡуҡты теркәүҙәр — 19, бүләк ителгәндәр 25,6 процентҡа, йәғни тәүгеһе 8576-нан 6924-кә, һуңғыһы 12 564-тән 9342-гә тиклем түбәнәйҙе. Өлөш төҙөлөшөндә ҡатнашыу килешеүҙәре нигеҙендәхоҡуҡ теркәүҙә рә шулай уҡ 19 процентҡа, торлаҡты шәхси милеккә тапшырыу иһә 18 процентҡа кәмене.

Ҡатмарлы эпидемия шартарына ҡарамаҫтан Башҡортостан буйынса Росреестр идаралығы штат режимында эшләүен дауам итә. Хоҡуҡтарын законлаштырырға теләгән граждандарға Росреестр хеҙмәттәрен алыу өсөн Күп функциялы үҙәк офистарына мөрәжәғәт итергә мөмкин. Бының өсөн 8(347)246-55-33, +7(927)333-31-00 телефондары һәм https://rosreestr.ru/ порталы аша алдан яҙылырға кәрәк.

Наталья Шаһиева,

БР буйынса Росреестр идаралығы етәксеһенең ярҙамсыһы.