Инйәр
-24 °С
Болотло
75 лет Победы
Бөтә яңылыҡтар
Общие статьи
4 Июнь 2020, 13:10

Республикала 445 мең бала 10 мең һум аҡса алды..

Халыҡ-ара балаларҙы яҡлау көнөндә Пенсия фонды Башҡортостанда йәшәгән 445 099 баланың ата-әсәһе иҫәбенә 4,450 миллиард һумдан ашыу аҡса күсерҙе.

Хәтерегеҙгә төшөрәбеҙ, РФ Президенты Күрһәтмәһенә ярашлы, 2004 йылдың 11 майынан 2017 йылдың 30 июненә тиклем тыуған һәр балаға бер тапҡыр 10 мең һум аҡса түләнә.
Рәсәй Пенсия фонды Башҡортостан буйынса идарасыһы Фоат Хантимеров хәбәр итеүесә, 3 йәштән 16 йәшкә тиклемге бала тәрбиәләгән 296 мең самаһы ғаилә бер тапҡыр бирелә торған түләү алды. Аҡсалар 180-дән ашыу кредит ойошмаһы аша күсерелде.
Күпселек ғаиләләр аҡса алыу өсөн Дәүләт хеҙмәттәре порталы аша мөрәжәғәт итте, улар Шәхси кабинетта ғариза статусын күҙәтеп бара ала.
Ғаризаны Пенсия фондына биргән осраҡта, уны ҡарау этабын клиент хеҙмәте телефоны буйынса шылтыратып белергә мөмкин. Пенсия фонды идаралыҡтарының белешмә өсөн телефондары уның рәсми сайтында баҫылған.
Ғаризаны ағымдағы йылдың 1 октябренә хәтлем бирергә мөмкин. 20 майҙа ғәмәлгә ингән Хөкүмәт Ҡарары нигеҙендә бөтә ғаризалар ҙа (шул иҫәптән ялдарҙа тапшырылғандары ла) биш эш көнө эсендә ҡарала һәм аҡса өс эш көнө дауамында күсерелә. Кире ҡағылған осраҡта ата-әсәгә ғаризаны ҡарағандан һуң беренсе көндә үк был хаҡта белдереү ебәрелә. Тикшереү барышында Пенсия фонды белешмәләрҙе сағыштырыу буйынса айырым эш башҡара. Шулай ҙа ата – әсәләргә белешмәләрҙе, айырыуса банк иҫәбе реквизиттарын ҙур иғтибар менән тултырыу мөһим. Түләүҙәр ғариза тапшырған ата-әсә исеменә генә күсерелә. Опека тәрбиәһенә алыусы йәки баланың тыуыу тураһында таныҡлығы сит илдеке булһа, Пенсия фондының клиенттар хеҙмәтенә, йә күп функциялы үҙәккә шәхсән килеү талап ителә.Түләүҙәр хаҡында аңлатмалар һәм йыш бирелгән һорауҙарға яуаптарҙы Пенсия фондының сайтында http://www.pfrf.ru/knopki/zhizn/ табырға мөмкин.
Александр Комзалов,
район Пенсия фонды идаралығы начальнигы.
Читайте нас в