Өмәгә дәррәү ҡушылдыҡ

Көндәр йылыныу менән тирә-яҡта экологик өмәләр башланды.

Оҙон ҡыш буйы ҡар ҡатламында йыйылған бысраҡлыҡтан арыныр өсөн үткән ялда муллаҡайҙар ҙа был изге эштән ситтә ҡалманы. Көн буйына дауам иткән экологик сарала барыһы ла ҙур теләк менән ҡатнашты. Халыҡ урам буйҙарын, Бәйескә тиклем юлдың ике яғын сүп-сарҙан таҙартты, ҡороған ағас ботаҡтарын йыйып түкте.

Бергәләшеп, кәңәшләшеп эшләгән эш хәйерле була, тиҙәр. Халыҡ менән бер фекергә килеп, уртаҡ маҡсаттар өсөн йәшәү — заман талабы. Өмәнән һуң күркәмләнеп ҡалған әйләнә-тирәбеҙгә ҡарап беҙҙең дә күңелдәр күтәрелде. Киләсәктә лә бындай сараларҙы дауам итергә (мәҫәлән, алдағы ялдарҙа зыяратты таҙартырға) һөйләшеп, көр кәйефтә таралыштыҡ.

Фәнзил Хисаметдинов,

район башҡорттары ҡоролтайы башҡарма комитеты рәйесе.

Читайте нас

Редакция һайлауы