Юл-транспорт ваҡиғаһын теркәү ябайлашты

ЮХХДИ хеҙмәткәрҙәренән башҡа юл-транспорт ваҡиғаһын теркәргә мөмкин

Түбәндәге осраҡтарҙа, аварияға эләгеүселәрҙең килешеү-килешмәүенә ҡарамаҫтан, ЮХХДИ хеҙмәткәрҙәренән башҡа юл-транспорт ваҡиғаһын теркәргә мөмкин:

бәрелешеүҙә ике генә автомобиль ҡатнашҡан;

транспорттарҙың эйәләре ОСАГО буйынса страховкаланған;

юл-транспорт ваҡиғаһында ҡатнашҡан автомобилдәргә генә зыян килгән, башҡаларҙың мөлкәтенә зарар килтерелмәгән.

Юғарыла атап үтелгәндәрҙән сығып, страховка белдереүен өлгөгә ҡарап үҙ аллы тултырабыҙ. Юл-транспорт ваҡиғаһы урынында (зарар күрелгәнде, дөйөм күренеште) бер нисә фотоһүрәт эшләйбеҙ, аварияла ҡатнашҡан икенсе кеше менән телефон номерҙарын алмашаһығыҙ. Ҡатнашыусыларҙың һәр ҡайһыһы стаховка белдереүенең күсермәһен ваҡиға булғандан алып 5 көн эсендә үҙенең страховка компанияһына илтә. Әгәр был өлкәгә ҡағылған ниндәй ҙә һорауығыҙ тыуһа, ОСАГО полисының мөйөшөндә күрһәтелгән телефон номеры буйынса һәр саҡ шылтырата алаһығыҙ.

Евгений Чернов,

Архангел районы буйынса дәүләт автоинспекторы.

Читайте нас

Редакция һайлауы