Инйәр
+19 °С
Болотло
Бөтә яңылыҡтар
Общие статьи
6 Февраль 2020, 14:10

Районда - авария

ЮХХДИ хеҙмәткәрҙәре юл хәүефһеҙлеге ҡағиҙәләрен боҙоуҙың 2300 осрағын асыҡлай, 30 водитель эскән килеш руль артына ултырып тотола. Бәхеткә күрә, ҡорбандар юҡ.

“Башҡортостан гәзите” мәғлүмәте буйынса, республика юлдарында 11 авария теркәлә, уларҙа ун дүрт кеше төрлө кимәлдәге йәрәхәт ала.
ЮХХДИ хеҙмәткәрҙәре юл хәүефһеҙлеге ҡағиҙәләрен боҙоуҙың 2300 осрағын асыҡлай, 30 водитель эскән килеш руль артына ултырып тотола. Бәхеткә күрә, ҡорбандар юҡ.
“Архангел районында Өфө - Инйәр - Белорет автоюлының 83-сө километрында 38 йәшлек Ҡырмыҫҡалы районы водителе идара иткән "КамАЗ" йөк машинаһы менән руль артында 41 йәшлек водитель ултырған "Toyota Alphard" автомобиле бәрелешә. Һөҙөмтәлә еңел автомобилдең өс пассажиры – 38 йәшлек ир кеше, 81 һәм 59 йәшлек ике ҡатын-ҡыҙ дауаханаға оҙатыла. Юл ваҡиғаһының сәбәптәрен асыҡлау буйынса тикшереү бара”, - тип хәбәр итәләр Башҡортостан буйынса ЮХХДИ матбуғат хеҙмәтенән.
Ведомство хеҙмәткәрҙәре, һауа торошоноң насарайыуы сәбәпле, юлдарҙа айырыуса иғтибарлы булырға, киҫкен ихтыяж булмаған осраҡта бөтөнләй юлға сыҡмаҫҡа кәңәш итә.
Ә баш ҡалала юл хәрәкәте ваҡиғаларын иҫкәртеү маҡсатында водителдәрҙең документтарын, транспорт саралары торошон тикшереү буйынса массалы рейдтар башланыуы тураһында хәбәр итәләр ведомствонан.
Читайте нас: