Инйәр
-29 °С
Болотло
75 лет Победы
Бөтә яңылыҡтар
Общие статьи
1 Февраль 2020, 11:30

Әҙерлек һәм ойоштороу йәһәтенән

2020 йылда Бөйөк Еңеүҙең 75 йыллығы билдәләнә һәм ошоға бәйле әҙерлек саралары башланды ла инде.

1-се Архангел мәктәбендә уҙған метод сәғәттең темаһы ла тап ошо маҡсатҡа йүнәлтелде. Кәңәшмәгә район мәктәптәре директорҙары, белем усаҡтарындағы музей мөдирҙәре йыйылды.
Сығыш яһаусылар ағымдағы йылда Еңеү байрамын уҙғарыуға бәйле сараларҙы әҙерләү һәм ойоштороу, уларға йәштәрҙе йәлеп итеү тураһында һөйләне. Көн тәртибендә һәр мәктәптә тиерлек эшләп килгән музейҙар һәм уларҙың һәр ҡайһыһындағы Бөйөк Ватан һуғышына арналған мөйөштәр хаҡында ла һүҙ барҙы. Еңеү яулауға үҙҙәренең ғүмерен аямаған, фиҙаҡәр хеҙмәте менән өлөш индергән яҡташтарыбыҙ хаҡында мәғлүмәттәрҙең дә унда урын алыуы мөһим. Дәһшәтле йылдарҙы һүрәтләүсе яңы баҫылып сыҡҡан китаптағы яңы материалдарҙың эшкәртелгән йомғаҡтары менән таныштырылды. Шулай уҡ хәрби – патриотик ойошмаларҙың эше тураһында әйтеп үтелде. Районыбыҙ территорияһында әлегәсә иҫән биш ветерандың дүртәүһе Архангелдә йәшәй. Уларға ярҙам күрһәтеү кәрәклеге, йәш быуынды һуғыш юлы үткән яугирҙар менән таныштырыу мәсьәләһе һыҙыҡ өҫтөнә алынды.
Рәғиҙә Ғиззәтуллина.
Читайте нас в