Яңы йыл ҡар таҙартыуҙан башланды

Яңы йылдың тәүге көнө “Юбилей” стадионында ҡар таҙартыуҙан башланды. Артабан боҙҙа фигуралы шыуыуҙа балалар, йәштәр һәм оло йәштәге спортсылар ҡатнашты. Конькиҙа шыуыусылар саф һауала дәрт алып, яңы йылда яңы көс тупланы. Ошо уҡ көндө йәштәр һәм үҫмерҙәр араһында хоккей буйынса осрашыу уҙҙы. Йәштәр еңеүсе команда булараҡ, 2 ғинуар Әлшәй районында А.Ю.Зюзин кубогында ҡатнашыу хоҡуғын яуланы. Унда Максим Трезе “Иң яҡшы ҡапҡасы” номинацияһында билдәләнде.