Инйәр
-22 °С
Болотло
75 лет Победы
Бөтә яңылыҡтар
Общие статьи
9 Ғинуар 2020, 14:00

Кремль шыршыһында

Уҡыу алдынғылары, спорт ярыштарында еңеүселәр, төрлө яҡлап һәләтле балалар өсөн Яңы йыл айырыуса ҡыуаныслы. Сөнки йыл һайын иң-иң тырыштар Мәскәүгә Кремль шыршыһына юллана

Бына инде егерменсе тапҡыр уҙғарылған оло сараға Рәсәйҙең төрлө мөйөштәренән 6000 бала йыйылды. Шул иҫәптән, районыбыҙҙың да һәләтле уҡыусылары — Сәйғафарова Эльвина (2-се Архангел, 6-сы класс) һәм Абдурахмонова Зарема (1-се Архангел, 4-се класс) ҡатнашты. Уҡыусылар өсөн ҡыҙыҡлы һәм мауыҡтырғыс экскурсиялар, оҫталыҡ дәрестәре ойошторолдо. “Ҡыш бабайға хат” тип исемләнгән төп тамаша Дәүләт Кремль һарайында үтте. Шыршы байрамында ҡатнашыусыларҙың барыһы ла татлы бүләктәр һәм сувенирҙар алып ҡыуанды. Эльвина һәм Зарема иһә был сәйәхәттән бай кисерештәр менән ҡайтты.
Лилиә Сәйғафарова,
район мәғариф бүлегенең методика кабинеты мөдире.
Читайте нас в