Белем иленә рәхим итегеҙ, беренселәр!

Тылсымлы сәскә таждары ярҙамында балалар һорау-яуаптар иленән мультфильмдар геройҙары донъяһына күсте, физик-астрономдар оҫтаханаларында булды, бейене, йырланы, серле йомаҡтар систе. Уҡырға теләмәгәндәрҙе үҙе менән алып китергә саҡырылмаған ҡунаҡ — “Ике”ле билдәһе килде. Әммә ауырлыҡтарҙы һәм кәртәләрҙе йырып сығып, бәләкәстәр алдарына ҡуйылған бөтә бурыстарҙы үтәне.

Сара аҙағында беренсе кластар тантаналы рәүештә уҡыусылар сафына ҡабул ителде. Балалар иң аҡыллы, тәртипле, изге күңелле, кескәйҙәргә ярҙамсыл, ололарға ихтирамлы булырға вәғәҙә бирҙе. Байрамда ҡатнашыусы һәр уҡыусыға иҫтәлекле миҙалдар һәм тылсымлы “Белем алмаһы” тапшырылды. Беренселәрҙең сәйәхәте ҡыҙыҡлы, фәһемле һәм мауыҡтырғыс килеп сыҡһын өсөн сараны ойоштороусылар бар тырышлығын һалды. Беҙ уларҙың белемле, ҡыйыу, ҡыҙыҡһыныусан булып үҫеренә, ғөмүмән 1-се Архангел мәктәбенең ҡанаты аҫтындағы татыу ғайләнең тулы хоҡуҡлы ағзаһына әйләнәсәктәренә иманыбыҙ камил

Алевтина Бочкарева.

1-се Архангел мәктәбенең ғилми-тикшереү буйынса директор урынбаҫары.