Инйәр
+18 °С
Ямғыр
Бөтә яңылыҡтар
Общие статьи
14 Ноябрь 2019, 12:50

Үҙгәрештәр ғәмәлгә инде

“Рәсәй Федерацияһы ҡануниәтенең пассажирҙарҙы һәм башҡа кешеләрҙе автобустарҙа ташыу буйынса эшмәкәрлекте лецензиялауҙы яҡшыртыуға ҡағылған айырым бүлектәренә үҙгәрештәр индереү тураһында”ғы Федераль закон (№386-ФЗ, 30.10.2018 йыл) тарафынан “Юл хәрәкәте хәүефһеҙлеге тураһында”ғы Федераль законға индерелгән үҙгәрештәр ағымдағы йылдың 1 ноябренән үҙ көсөнә инде.

“Рәсәй Федерацияһы ҡануниәтенең пассажирҙарҙы һәм башҡа кешеләрҙе автобустарҙа ташыу буйынса эшмәкәрлекте лецензиялауҙы яҡшыртыуға ҡағылған айырым бүлектәренә үҙгәрештәр индереү тураһында”ғы Федераль закон (№386-ФЗ, 30.10.2018 йыл) тарафынан “Юл хәрәкәте хәүефһеҙлеге тураһында”ғы Федераль законға индерелгән үҙгәрештәр ағымдағы йылдың 1 ноябренән үҙ көсөнә инде. Унда билдәләнеүенсә, рөхсәт ителгән ауырлығы 3500 килограмдан артмаған йөк автомобилдәре һәм автобустарҙың эйәләренә уларҙы тахограф менән йыһазландырыу, шулай уҡ транспорт саралары менән идара итеү һәм ял ваҡыты нормаларын күҙәтеү бурысы йөкмәтелә.
Бер үк мәлдә Рәсәй Федерацияһының административ хоҡуҡ боҙоуҙар тураһындағы кодексының (№216-ФЗ, 26.07.2019) 11.23-сө статьяһының яңы редакцияһы ғәмәлгә инде. Унда билдәләнеүенсә, закон тарафынан транспортҡа тахограф урынлаштырыу ҡушылған, ә водитель тахографһыҙ транспорт менән идара иткән осраҡта уға ҡарата һалынған штраф күләме арттырыла; закон буйынса талап ителгән булһа ла, тахографһыҙ транспорт сараһын юлға сығарған, шулай уҡ транспорт саралары менән идара итеү һәм ял ваҡыты нормаларын күҙәтмәгән вазифа биләүселәргә, шәхси эшҡыуарҙарға һәм юридик шәхестәргә административ яуаплылыҡ ҡарала.
Әйтергә кәрәк, РФ Транспорт министрлығы тарафынан әлеге мәлдә физик шәхестәр өсөн улар хужалығындағы транспорт сараларына тахограф урынлаштырыу, транспорт саралары менән идара итеү һәм ял ваҡыты нормаларын билдәләүсе акттар проекты эшләнә.
Владислав Камалетдинов,
ЮХХДИ-ның дәүләт инспекторы.
Читайте нас: