Рәсәй берҙәмлеге менән көслө, халыҡтар татыулығы һәм дуҫлығы, уның төп байлығы

Күптән түгел баш ҡалабыҙҙың “Торатау” Конгресс- холында “Берҙәмлектә — көс” республика форумы уҙҙы. Сараны Башҡортостан Башлығы Гранттары фонды һәм Рәсәй халыҡтары ассамблеяһы ярҙамында “Башҡортостан Республикаһы татарҙар конгресы” төбәк йәмәғәт ойошмаһы үткәрҙе. Ул милләт-ара татыулыҡты, власть органдарына ышанысты нығытыу һәм илебеҙҙе тарҡатыуға йүнәлтелгән мәғлүмәт йоғонтоһона ҡаршы тороу буйынса берҙәм алымдар әҙерләү маҡсатын тәүге урынға ҡуйҙы.

Түңәрәк өҫтәлдә республика муниципалитеттары, дәүләт власть органдары, Рәсәй халыҡтары ассамблеяһы, “Ватанды һаҡлаусылар” фонды, милли-мәҙәни үҙәк вәкилдәре, диндарҙар, махсус хәрби операция ветерандары ҡатнашты. Ғөмүмән, йыйынға 250-нән ашыу кеше килде. Форумды Башҡортостан татарҙары конгресының етәксеһе Заһир Хәкимов алып барҙы.

Пленар ултырышта эксперттар 2036 йылға тиклем Дәүләт милли сәйәсәте стратегияһын тормошҡа ашырғанда милли-мәҙәни берләшмәләрҙең үҙ-ара хеҙмәттәшлеген, экстремизмға һәм терроризмға ҡаршы тороуҙы, шулай уҡ МХО-ла ҡатнашыусыларҙы һәм уларҙың ғаиләләрен реабилитациялау, уларға ярҙам итеү мәсьәләләрен тикшерҙе, шулай уҡ “Башҡортостан халыҡтарына мөрәжәғәт” ҡабул ителде. Унда ҡатнашыусылар бөтә яҡташтарын дәүләт дошмандарының провокацияларына бирешмәҫкә, күп быуатлыҡ дуҫлыҡты иҫтә тоторға һәм бергәләп илебеҙ менән республикабыҙҙың берҙәмлеген нығытырға саҡыра.

Сәфәрҙе ойоштороуҙа ярҙам иткәне өсөн район Советы секретары Фәйез Йортомбаевҡа йылы һүҙҙәр еткерге килә.

Айгөл Сәйфуллина, Башҡортостан татарҙары конгресының Архангел районындағы бүлексәһе етәксеһе.

Автор:Мухаметьянова А.

Читайте нас

Редакция һайлауы