Иң ҙур йомаҡтарҙың береһе

Фәнни күҙлектән иҫбатланмаһа ла, диндә, халыҡ ижадында һәм кешеләрҙең шәхси тормошонан алынған хикәйәләрҙә был турала бик күп мәғлүмәт бар. Күптәрегеҙ, моғайын, үҙҙәре лә мөғжизәле хәлгә тарығаны барҙыр? Тормошта осраған был серҙәрҙе төрлө яҡтан аңлатып ҡарайыҡ әле. Дини һәм рухи ҡараш. Күпселек диндәрҙә, шул иҫәптән исламда, теге донъяның барлығына инаныу — имандың бер өлөшө. Мәҫәлән: Бәрзах донъяһы — кеше үлгәндән һуң, Ҡиәмәт көнөнә тиклем булған аралыҡ. Йән һәм тән: ислам буйынса, тән тупраҡҡа ҡайта, ә йән мәңгелек йортона юл ала. Яуап биреү: әҙәм балаһының был донъяла эшләгән изгелектәре һәм гөнаһтары өсөн  яуап тотоуы. Серле хәлдәр һәм хикәйәләр. Халыҡ араһында “теге донъя” менән бәйле төрлө хәлдәр һөйләнелә. Уларҙың күбеһен түбәндәге төрҙәргә бүлергә була. Клиник үлем: үлем хәлендә булып ҡайтҡан кешеләрҙең һөйләүе. Улар йыш ҡына яҡты туннель, үҙ тәнен өҫтән күреү йәки мәрхүм туғандары менән осрашыу тураһында әйтә. Төштәр: мәрхүмдәрҙең төшкә инеп хәбәр биреүе, берәй нәмә тураһында иҫкәртеүе. Халыҡта “төшкә инһә, аят уҡытырға кәрәк” тигән йола ла шунан килә. Билдәләр: өйҙә үҙенән-үҙе әйберҙәрҙең ҡуҙғалыуы, тауыштар ишетелеүе кеүек “мистик” күренештәр. Ошо хаҡта әсәйемдең һөйләгәндәрен әле лә иҫләйем. Фәнни аңлатма. Ғалимдар, мәҫәлән, үлем алдынан күрелгән “серле хәлдәрҙе” биологик процестар менән бәйләй. Галлюцинациялар: кислород етмәүҙән баш мейеһе төрлө һүрәттәр тыуҙыра. Эндорфиндар: организм үлем стресына яуап итеп ҙур күләмдә “бәхет гормондары” бүлеп сығара, был тыныслыҡ тойғоһо бирә. Хәтер: мейе үлер алдынан бөтә тормош

ваҡиғаларын тиҙ арала барлап сыға. Һеҙҙең үҙегеҙҙең йәки таныштарығыҙҙың тормошонда ошондай аңлатып булмаҫлыҡ серле хәлдәр булғаны бармы? Бәлки, һеҙҙе был теманың дини, фәнни йәки халыҡ хикәйәттәре яғы кү- берәк ҡыҙыҡһындыралыр? Әйтер һүҙегеҙ булһа, редакция почтаһына һеҙҙән хаттар көтөп ҡалабыҙ.

Беҙҙең МАХ-тағы каналыбыҙға ҡушылығыҙ https://web.max.ru/-69468596543546