Халыҡҡа ла, туристарға ла мөһим

Ишембай районында Ишембай — Воскресенск — Мәләүез трассаһының ике участкаһы “Тормош өсөн инфраструктура” милли проекты (национальный проект “Инфраструктура для жизни”) буйынса йыл аҙағына тиклем норматив хәлгә килтереләсәк. Объекттарҙың оҙонлоғо 1,5 километр тәшкил итәсәк, тип хәбәр иттеләр Транспорт министрлығынан.

Ремонт эштәре Торғас утары һәм Лесное ауылы янында үтәсәк. Унда юлсылар асфальт-бетон япмаһын яңырта, юл ситтәрен нығыта һәм тамғалар һыҙасаҡ. Быйыл иһә Мәләүез һәм Ишембай райондарында Ишембай — Воскресенск — Мәләүез трассаларының 6,5 километры тәртипкә килтереләсәк. 

https://bashgazet.ru/articles/milli-proekttar/2026-05-05/haly-a-la-turistar-a-la-m-im-4674833