Үткән йылға йомғаҡ яһалып, аныҡ маҡсаттар билдәләнде

– 2022 йылдың 24 февраленән беҙ махсус хәрби операция шарттарында йәшәйбеҙ. Бөгөн һәр кем Еңеүгә ҙур өлөш индерә. 18 февраль беҙ райондан алғы һыҙатҡа 38-се гуманитар ылыу ебәрҙек.

2025 йыл Президентыбыҙ инициативаһы менән Рәсәйҙә Ватанды һаҡлаусылар һәм Бөйөк Еңеүҙең 80 йыллығы йылы эгидаһы аҫтында үтте. Уның дауамында район биләмәһендә был йүнәлештә ҙур эштәр башҡарылды.

Муниципаль райондың 2025 йылға тупланма бюджеты пландың 99,1 процентына йәки 919 миллион 200 мең һумға үтәлгән. Был 2024 йыл менән сағыштырғанда 101,6 процент. Шул иҫәптән райондың үҙ килеме уҙған йылдың ошо уҡ осоро кимәленә ҡарата 0,3 процентҡа кәмегән һәм 288 миллион 800 мең һум тәшкил иткән.

2025 йылда ер участкаларына дәүләт милкен бүлеүгә тиклем 2135 ҡуртым килешеүе һәм муниципаль милекте ҡуртымға алыуҙың 90 договор төҙөлгән. Ер участкаларын килгән килем 26 миллион 654 мең һумға барып еткән.

2025 йылда “Урындағы башланғыстарҙы хуплау” программаһы буйынса 11 проект конкурс буйынса һайлап алыу этабын үтеп, еңеүсе тип танылды. ППМИ-ла ҡатнашыу арҡаһында Архангел ауылының Чкалов урамында 905 метрлыҡ тротуар төҙөлдө (6 миллион 998 мең һумлыҡ). Ул Башҡортостандың иң ҡыйбат проекттарҙың исемлегенә инде. Шулай уҡ, Родинка, Туҡмаҡлы ауылдарында төнгө ваҡытта урамдарҙы яҡтыртыу, ә Тәүәкәс ауыл биләмәһе “МТЗ-82” тракторына махсус ҡорамал һатып алыу мәсьәләһен хәл итте.

Ауыл хужалығы – район иҡтисадының мөһим секторҙарының береһе. Әлеге мәлдә беҙҙә өс ауыл хужалығы предприятие, 30-ҙан ашыу крәҫтиән-фермер хужалығы, дүрт ауыл хужалығы кооперативы бар. Улар тарафынан 2025 йылда һигеҙ мең 560 тоннанан ашыу иген (бер гектарҙан уртаса уңыш 24 центнер) йыйылды. Ағымдағы йылдың 1 ғинуарына ҡарата 7542 – эре мөгөҙлө мал (үткән йыл менән сағыштырғанда 88 процент), 77 – сусҡа, 10489 – баш һарыҡ һәм кәзә, 1139 – йылҡы малы, 10603 ҡош-ҡорт иҫәпләнә. 2026 йылғы уңыш өсөн 2900 гектар майҙан туңға һөрөлгән, 1642 гектарҙа ужым культуралары сәселгән.

Торлаҡ шарттарын яҡшыртыу халыҡтың йәшәү сифатын күтәреүҙең мөһим шарты. Отчет йылында торлаҡты сафҡа индереү 11 мең 828 квадрат метр тәшкил итте. Был республикалағы 33-сө күрһәткес. 2025 йылда торлаҡ шарттарын яҡшыртыуға социаль түләүҙәрҙең дөйөм күләме – 31 миллион 267 мең һум булды. Дәүләт программаһы сиктәрендә бер йәш ғаиләгә  өс миллион 660 мең һумлыҡ социаль түләү бирелде. 22 миллион һумлыҡ бүленгән бюджет аҡсаһына алты етем балаға торлаҡ һатып алынды. Бер етем балаға төҙөкләндерелгән торлаҡ алыуға сертификат тапшырылды һәм башҡалар. Шул уҡ ваҡытта торлаҡ менән тәьмин итеү мәсьәләһе элеккесә киҫкен булып ҡала. Торлаҡ шарттарын яҡшыртыуға 542 ғаилә сиратта тора, шуларҙың 68-е – етем балалар, бишәүһе – хроник сирле граждандар.

Районды төҙөкләндереүҙең мөһим өлөшөнөң береһе юлдарҙы ремонтлау тора. Үткән йылда 8,2 километр оҙонлоҡта автомобиль юлына ҡырсынташ түшәлде, 1,1 километр арауыҡта асфальт ҡатламы яңыртылды, ауыл биләмәләре буйынса 6067 квадрат метр майҙанда соҡор-саҡырҙар төҙөкләндерелде. Район халҡы өсөн Көмәрле, Аҙау, Орловка, Ҡыҙыл Еҙем һәм Тәүәкәс  ауылдарына муниципаль автобустарының маршруты асылды.

Районда 16 меңдән ашыу кеше йәшәй. Бөтә предприятиеларҙа һәм ойошмаларҙа эш хаҡы буйынса бурыстар юҡ. Уртаса эш хаҡы 49 мең һум тәшкил итә. Муниципаль мәғариф системаһына 17 мәктәп, ике балалар баҡсаһы һәм мәктәп эргәһендәге алты филиал, бер өҫтәмә белем биреү учреждениеһы инә.

Беҙҙең МАХ-тағы каналыбыҙға ҡушылығыҙ https://web.max.ru/-69468596543546