Мөһим һәм һөҙөмтәле һөнәр

Махсус хәрби операцияла ҡатнашыусы  “Альбатрос” ҡушаматлы яугир  пилотһыҙ осоу аппараты операторы (БПЛА) вазифаһында хеҙмәт итә. Ул Запорожье йүнәлешендә хәрби бурысын үтәй. Яҡташыбыҙ махсус әҙерлек буйынса уҡыуҙарын тамамлағас, разведка һәм башҡа подразделениеларға ярҙам итеүҙе тәьмин итә.

– Дошмандың сафтан сығарылған техникаһын, йәки ут асыусыны юҡ иткәнде күрһәң, был һөнәрҙең ни тиклем мөһим икәнлеген аңлайһың. Тәжрибә буйынса, яңы технологиялар менән дуҫ һәм яҡшы ҡул моторикаһына эйә булғандар һөнәрҙе тиҙерәк үҙләштерә,- тип белдерҙе “Альбатрос”. – БПЛА операторының эше юғары кимәлдә тупланыуҙы һәм ваҡытында аныҡ ҡарар сығарыуҙы иҫбатлай: дрондар һөжүмдәрҙең һөҙөмтәлелеген арттыра, оборонаны көсәйтә һәм яугирҙәрҙең ғүмерен һаҡлап ҡалырға ярҙам итә.

Пилотһыҙ система ғәскәрҙәренә яҙылыу өсөн ҡайҙа мөрәжәғәт итергә?

– йәшәү урыныңдағы хәрби комиссариатҡа;

– контракт буйынса хәрби хеҙмәткә һайлап алыу пунктына (Өфө ҡалаһы, Революция урамы, 156);

– шулай уҡ “Дәүләт хеҙмәттәре”ндә ғариза ҡалдырырға мөмкин.

Үҙегеҙ менән паспорт, хәрби билет (булһа), никах һәм бала тыуыу тураһында таныҡлыҡтар (булһа), белем хаҡында документтар алығыҙ. Контракт нигеҙендә хеҙмәт итеү мәсьәләләре буйынса ҡыҙыу линия – 122.

Беҙҙең МАХ-тағы каналыбыҙға ҡушылығыҙ https://web.max.ru/-69468596543546