Ғүмерҙәрҙе ҡотҡарыусы ҡоролма

– Республикала 16 категорияға ҡараған граждандар бушлай янғын тураһында хәбәр итеүсе ҡоролма алырға хоҡуҡлы,- тине Ғәҙәттән тыш хәлдәр буйынса дәүләт комитеты рәйесе Кирилл Первов. – 2025 йылдан улар иҫәбенә махсус хәрби операцияла ҡатнашыусыларҙың ғаиләләре лә инә. Был приборҙар ярҙамында Башҡортостанда 1300-ҙән ашыу кеше ҡотҡарылған, шуларҙың 493-ө – балалар. Мәҫәлән, 6 февралдә Октябрьский ҡалаһында күп фатирлы йортта янғын ваҡытында тауыш сигналы 13 кешене, шул иҫәптән биш баланы ҡотҡарырға ярҙам итә.

2024 йылда Радий Фәрит улы ҡушыуы буйынса республикала һаулыҡ мөмкинлектәре сикләнгән кешеләрҙе GSM-модуле булған ҡулайламалар менән тәьмин итеү буйынса пилот проекты эшләй башланы. Ҡорамалдар бер үк ваҡытта биш адресатҡа хәүеф сигналын тапшыра. Был тәжрибәне Рәсәй Ғәҙәттән тыш хәлдәр министрлығы етәксеһе Александр Куренков Башҡортостанға сәфәре барышында билдәләне. Был ысулды Рәсәйҙең башҡа төбәктәрендә лә индереү өсөн тәҡдим иттеләр. Башҡортостанда GSM-модуле менән бөтәһе 713 хәбәр итеүсе тапшырылған. 2025 йылда система уларҙың эшләүе тураһында 77 сигнал теркәгән. Был һигеҙ кешене ҡотҡарырға мөмкинлек бирә.

Радий Хәбиров янғындан үлем осраҡтарын кәметеү буйынса эштең һөҙөмтәлелеген юғары баһаланы һәм ведомствоға яҡшы һөҙөмтәләре өсөн рәхмәт әйтте.

Беҙҙең МАХ-тағы каналыбыҙға ҡушылығыҙ https://web.max.ru/-69468596543546