Саңғы юлы – сыҙамдар, етеҙҙәр өсөн

“Рәсәй саңғы юлы” илдә 1982 йылдан алып үткәрелә һәм унда йүгереүселәр һаны йылдан-йыл арта бара. Күптәр өсөн ул физкультура һәм спорт менән даими шөғөлләнеү йәшәү рәүешенә, ә сарала старт һәыҙығына баҫыу иһә яҡшы традицияға әйләнгән. Ошо көндәрҙә Асы ауылы эргәһендәге саңғы-йүгереү трассаһында Рәйес һәм Роберт Фәйзуллиндар иҫтәлегенә арналған ярыш уҙҙы.

Спортсыларҙы район Советы рәйесе Ф.Ф.Йортомбаев, Рәис Исмәғил улының ҡыҙы Лилиә Кинйәғолова, Роберт Рәис улының ҡыҙы Линара Фәйзуллина, спорт мастеры кандидаты, күп тапҡыр республика чемпионы В.А.Алешин, баш судья А.В.Ащеулов, сәләмләгәндән һуң, барыһы ла үҙ төркөмдәре буйынса бүленеп, старт һыҙығына баҫты.

100-ҙән ашыу спортсы бер-бер артлы махсус юлға баҫып, финиш һыҙығын тәүгеләрҙән үтеү маҡсатында бар тырышлығын һәм көсөн һалды. Еңеүселәр һәм призерҙар район хакимиәтенең Маҡтау ҡағыҙҙары һәм бағыусылар тарафынан (Фәйзуллиндар ғаиләһе) миҙалдар менән бүләкләнде.

Беҙҙең МАХ-тағы каналыбыҙға ҡушылығыҙ https://web.max.ru/-69468596543546

Автор:Рахимов А.

Читайте нас

Редакция һайлауы