Ҡара ҡарағаттан соус

Кәрәк буласаҡ: ҡарағат - 200 грамм, ‎онталған имбир - өс семтем,‎ прованс үләндәре - 0,5 балғалаҡ,‎ ‎тоҙ - 0,25 балғалаҡ, ‎шәкәр - ике балғалаҡ,‎ үҫемлек майы - бер балғалаҡ, ‎ҡара борос - ике семтем.

‎Әҙерләү: ‎ҡарағатҡа барлыҡ тәмләткестәрҙе, шәкәрҙе ҡушабыҙ ҙа, бер аҙ һуты сыҡҡас, ҡаҙанға һалып, дүрт-биш минут самаһы ҡайнатып алабыҙ. Шунан блендер ярҙамында иҙергә генә ҡала. Теләгегеҙ булһа, массаны иләк аша ла үткәрергә мөмкин. 20 минут тирәһе һыуытҡандан һуң телеңде йоторлоҡ соус табынға ҡуйырға әҙер.

‎Аштарығыҙ тәмле булһын!

https://bashgazet.ru/articles/ba-sa/2026-02-13/tu-dyr-ysy-y-a-ara-ara-at-barmy-4576236 сайтынан алынды. 

Беҙҙең МАХ-тағы каналыбыҙға ҡушылығыҙ https://web.max.ru/-69468596543546