Ҡыҙыҡһыныу йылдан-йыл арта

Ошо аҙнала Башҡортостан Республикаһы Башлығы Радий Хәбиров үткәргән аҙналыҡ оператив кәңәшмәлә “Айыҡ ауыл” республика конкурсының ведомство-ара партнерлыҡ йүнәлештәрен тикшерҙеләр. Доклад менән Рәсәй Дәүләт Думаһы депутаты, Бөтә донъя башҡорттары ҡоролтайы президиумы рәйесе Эльвира Айытҡолова сығыш яһаны. Ул быйыл республиканың ауыл биләмәләре араһында “Айыҡ ауыл” конкурсы етенсе тапҡыр уҙғарыла, тине. Уның маҡсаты – һаулыҡ һаҡлау мөхитен булдырыу, демографик күрһәткестәрҙе яҡшыртыу, ауыл халҡы башланғысы буйынса биләмәләрҙе төҙөкләндереү.

Алты йыл эсендә конкурс еңеүселәре дөйөм алғанда 250 миллион һумдан ашыу аҡса алған. Был аҡсаны ауыл биләмәләре үҙҙәренең йәмәғәт киңлектәрен үҙгәртеүгә йүнәлтә. Халыҡтың өҫтөнлөгө – балалар һәм спорт майҙансыҡтарын, парктарҙы һәм скверҙарҙы төҙөкләндереү.

Быйыл конкурстың республика этабына 52 муниципалитеттан 845 тораҡ пункт заявка биргән.Бәйгелә ҡатнашыусылар жюриға ауылды үҫтереү буйынса үҙ проекттарын тәҡдим итәсәк, уларҙы яҡлау 31 марттан 3 апрелгә тиклем үтәсәк. Беҙҙең райондан төбәк финалында Орловка ауылы ҡатнашасаҡ.

Беҙҙең МАХ-тағы каналыбыҙға ҡушылығыҙ https://web.max.ru/-69468596543546

Автор:Рахимов А.

Читайте нас

Редакция һайлауы