Инвалидтарға эш урындары арта

Физик мөмкинлектәре сикләнгән граждандарҙың мәшғүллеген арттырыу һәм эш биреүселәрҙе дәртләндереү өсөн Башҡортостанда төрлө ярҙам саралары, шул иҫәптән эш урындарына квоталар биреү, уларҙы “Кадрҙар” милли проекты сиктәрендә йыһазландырыу тормошҡа ашырыла, тип хәбәр иттеләр республиканың Ғаилә, хеҙмәт һәм халыҡты социаль яҡлау министрлығынан.

– Быйыл инвалид граждандарҙы эшкә урынлаштырған предприятиелар һаны 350-гә артҡан. Был категория халыҡты эшкә урынлаштырыу 9 643 ойошмаға бүленгән. Өфө моторҙар эшләү берекмәһендә генә 400-ҙән ашыу инвалид эшләй. Һис шикһеҙ, ыңғай үҫеш хеҙмәт урындарын квоталау, уларҙы йыһазландырыу, инвалидтарҙы стажировкалау кеүек киң ярҙам сараларына бәйле, – тип билдәләне Башҡортостандың ғаилә, хеҙмәт һәм халыҡты социаль яҡлау министры Ленара Иванова.