Һәр һорау контролдә буласаҡ

Үҙәк район дауаханаһының баш табибы, район Советы депутаты Юлай Мәзитов: – Мин йыл да Башҡортостан Башлығы Радий Хәбировтың тура эфирын иғтибар менән ҡарайым. Быйыл асыҡтан-асыҡ һөйләшеү 4 сәғәттән ашыу барҙы. Ошо ваҡыт эсендә Радий Хәбиров халыҡтың, журналистарҙың һәм йәмәғәтселәрҙең, шулай уҡ махсус хәрби операцияһында ҡатнашыусыларҙың 60-тан ашыу һорауына яуап бирҙе.

Бындай аралашыу форматы республика етәкселегенең халыҡҡа яҡын булыуын, уларҙы борсоған мәсьәләләрҙе тиҙ арала хәл итергә әҙер булыуын күрһәтә. Тура эфирҙа медицина йүнәлеше буйынса ла һорауҙар ҙа яңғыраны. Мәҫәлән, лейкоплакия сирен дауалау буйынса һорау ярты сәғәт эсендә тиерлек хәл ителде. Әле Башҡортостанда 360-ҡа яҡын бала лейкоплакия менән яфалана. Уны асыҡлау – балалар гинекологтарының яуаплылыҡ зонаһы, улар уны профилактик тикшереүҙәр ваҡытында диагностикалай. Һуңынан пациенттарҙы дауаланыу өсөн республика балалар клиник дауаханаһына ебәрәләр.

Автор:Рахимов А.

Читайте нас

Редакция һайлауы