Милли бейеү көнө

Был дата осраҡлы һайланмаған. 21 октябрь Фәйзи Ғәскәровтың тыуған көнө. Ул — күренекле бейеүсе, хореограф һәм балетмейстер, башҡорт бейеү сәнғәтенә нигеҙ һалыусы, башҡорт халыҡ бейеүҙәре ансамблен ойоштороусы һәм уның тәүге художество етәксеһе, БАССР-ҙың һәм РСФСР-ҙың атҡаҙанған сәнғәт эшмәкәре, Салауат Юлаев исемендәге республика премияһы лауреаты, “Почет билдәһе” ордены кавалеры. Уның Башҡортостан мәҙәниәтен һәм сәнғәтен үҫтереүгә һәм популярлаштырыуға индергән өлөшө баһалап бөткөһөҙ.
Милли бейеү — халыҡтың хис-тойғоларын һәм тарихын еткереү ысулы. Ул кешеләрҙе, йәшенә һәм социаль статусына ҡарамай, берләштерә. Бейеүҙәр үҙенсәлекле йолаларҙы һәм ғөрөф-ғәҙәттәрҙе һаҡлап ҡалырға һәм киләсәк быуындарға тапшырырға ярҙам итә.

Радий Хәбиров, Башҡортостан Республикаһы Башлығы:
— 21 октябрҙә күренекле башҡорт балетмейстеры Фәйзи Әҙһәм улы Ғәскәровтың тыуған көнөнә ҡарата Милли бейеү көнөн булдырырға кәрәк, тип иҫәпләйем.

Физәлиә Ғәниева әҙерләне.