Өфөлә Рәсәй Геройы Илдар Суфияров менән хушлашалар

“Башҡортостан” мотоуҡсылар полкының өлкән лейтенанты Илдар Суфияров һуңғы һулышына тиклем Ватан сиктәрен яҡлап, алғы һыҙыҡта һәләк булды.

18 сентябрҙә Өфөлә Рәсәй Геройы Илдар Суфияров менән хушлашасаҡтар. Матәм сараһы сәғәт 10-да “Башҡортостан” дәүләт концерт залында башлана. Илдар Суфияровты белгән һәм уның иҫтәлеген хөрмәтләргә теләгән һәр кем тантаналы хушлашыу тантанаһына килә ала.

Матәм митингыһынан һуң Илдар Суфияровты Башҡортостандың баш ҡалаһының Көньяҡ зыяратында ерләйҙәр.

Өлкән лейтенант, “Башҡортостан” мотоуҡсылар полкының Даян Мурзин исемендәге батальон взводы командиры Илдар Суфияров 2024 йылдың апрелендә махсус хәрби операция биләмәһендә һәләк булды.

Офицер украин боевиктарының күпкә өҫтөн булған көстәренә ҡаршы алышҡа инә. Хәрби хәл ҡатмарлы булыуға ҡарамаҫтан, Суфияров күҙәтеү пунктында үҙ позицияһын ҡалдырмай һәм дошман яҡынлашып килгәндә үҙен граната менән шартлата, шул уҡ ваҡытта өс дошман һалдатын да юҡ итә.