+30 °С
Болотло
Новости
10 Июнь 2025, 03:54
Егеттәр ил һаҡларға юллана
Президент Владимир Путин указына ярашлы, 2025 йылдың 1 апреленән 15 июленә тиклем 18 йәштән 30 йәшкә тиклемге 160 мең рәсәйлене армияға саҡырыу планлаштырыла. Саҡырыу илдең бөтә төбәктәрендә лә үтә, Алыҫ Төньяҡтың 54 районы һәм уларға тиңләштерелгән территорияларҙан тыш, унда армияға саҡырыу ғәҙәттә, ҡатмарлы климат шарттары арҡаһында көҙгөһөн генә ойошторола. Хеҙмәт итеү ваҡыты элекке кеүек ҡала –12 ай, ул йыйылыу пунктына килеп, звание бирелгәндән һуң иҫәпләнә. Ғәскәрҙәргә ебәрер алдынан призывниктарға банк һәм шәхси электрон карталар, шулай уҡ стандарт әйберҙәр йыйылмаһы менән тәьмин ителә. Яңы хәрбиҙәрҙең өстән бер өлөшө уҡыу частарына ебәрелә, унда улар биш ай эсендә заманса хәрби техниканы үҙләштерә һәм хәрби-иҫәп белгестәре ала.
– Яҙғы саҡырылыш штат режимында бары. Медицина күҙәтеүенән һуң, район саҡырыу комиссияһы ултырышы медицина һығымтаһы нигеҙендә егеттең хеҙмәткә ебәрелеүе йәки унан азат ителеүе йәки ярты йылдан һуң, әгәр ваҡытлыса һаулыҡ менән мәсьәләләләр булһа, ҡабаттан тикшереүгә саҡырылыуы тураһында ҡарар ҡабул итә. Әлеге саҡырылышҡа килгәндә, ул 1 апрелдә башланды һәм 15 июлдә тамамланасаҡ.
Райондан 50-нән ашыу кешене РФ Ҡораллы Көстәре сафына саҡырыу планлаштырыла. Шуны билдәләп үтергә кәрәк, яңы хәрбиҙәр Украинала махсус хәрби операцияла ҡатнашыуға йәлеп ителмәйәсәк, уларҙың барыһы ла эске округтарҙа хеҙмәт итәсәк-, тип белдерҙе Ҡырмыҫҡалы һәм Архангел райондары буйынса хәрби саҡырыу бүлегенең начальнигы Олег Кожевников.
Редакция һайлауы
