Таҙа булһын йылға буйҙары

Ошо көндәрҙә Абҙан ауылы эргәһендәге Инйәр йылғаһы буйында “Рәсәй һыуы” экологик акцияһы ойошторолдо. Ирекмәндәр менән бергә экологик өмәгә район хакимиәте белгестәре, йәмәғәт эшмәкәрҙәре лә сыҡты. Сара “Экология” милли проектының “Үҙенсәлекле һыу объекттарын һаҡлау” федераль проектын ғәмәлгә ашырыу барышында уҙғарыла һәм һыу объекттарының яр буйҙарын сүп-сарҙан таҙартыуға йүнәлтелгән.

• Башҡарған эшебеҙҙең асылын кешеләр аңларға бурыслы. Бында йәшәүселәр ҙә, килгән ҡунаҡтар ҙа иҫ киткес хозур тәбиғәтебеҙ менән һоҡланһын, был биләмәләрҙе ҡыйламаһын ине. Һәр кем һыу ятҡылыҡтарын һаҡлауға үҙ өлөшөн индерергә тейеш, тик шул саҡта ғына беҙ һөҙөмтә күрәсәкбеҙ, -тине Абҙан ауыл хакимиәте башлығы Вил Зөлҡәрнәев.

“Рәсәй һыуы” миллионлаған кешене берләштерә, шуға ла ул  илдәге иң ҙур ирекмәндәр экологик проекттарының береһе. Өҫтәүенә ул экологик аң-белем таратыу, уны камиллаштырыу менән мәшғүл.