“Теләктәр шыршыһы” хыялдарҙы тормошҡа ашыра

Башҡортостан “Теләктәр шыршыһы” Рәсәй хәйриә акцияһына ҡушыла. Был акция беренсе йыл ғына үтмәй, шуға уның менән күптәр таныш. Сараны “Беренселәр хәрәкәте” Росмолодежь булышлығында үткәрә. Ул тормошта ауыр хәлдә ҡалған балаларҙың хыялын тормошҡа ашыра. Быйыл ул 2024 йылдың 15 ноябренән 2025 йылдың 28 февраленә тиклем үтәсәк.

Уның маҡсаты — ауыр тормош хәлендә ҡалған балаларға шатлыҡ һәм яңы йыл мөғжизәһе тойғоһо бүләк итеү. Акция ярҙамында изге эштәр башҡарырға теләгән граждандар ярҙамға мохтаждарҙы таба һәм уларҙың яңы йыл теләктәрен үтәй ала.

 “Теләктәр шыршыһы”ның мөғжизәләре сәләмәтлек мөмкинлектәре сикләнгән, инвалид, ғүмерен хәүеф аҫтына ҡуйған сирлеләр, етемдәр, ата-әсә ҡарауынан мәхрүм ҡалғандар, мохтажлыҡта йәшәгән ғаиләләрҙәге, шулай уҡ махсус хәрби операцияла ҡатнашыусыларҙың балаларына, Донецк, Луганск халыҡ республикаларында, Запорожье, Херсон өлкәләрендә йәшәгән йә теркәлгән, Белгород, Брянск, Курск өлкәләрендә контртеррористик операция режимы индерелеү арҡаһында, шулай уҡ Украина ҡораллы формированиелары ауыл-ҡалаларҙы утҡа тотҡанлыҡтан торлағын ташлап китергә мәжбүр булған балаларға тәғәйенләнә. Хыялдар шыршыһында 3-тән 17 йәшкә тиклемге балалар ҡатнаша.

20 декабргә тиклем елкажеланий.рф рәсми сайтында теркәлеп өлгөрөргә кәрәк. Сайтҡа тейешле документтарҙы ҡуйып ғариза бирергә, анкета тултырырға, анкетала баланың теләген һүрәтләргә кәрәк. Быны, әлбиттә, ата-әсә йә баланың законлы вәкиле башҡара. Хыялдарҙы үтәү акцияһы 2025 йылдың 28 февраленә тиклем барасаҡ.  

Өлкәндәр иһә теләктәрҙе үтәй торған тылсымсы була ала. Бындай дәрте булған кешеләр шул уҡ сайтта хыялдарҙы тормошҡа ашырыусы булараҡ теркәлә һәм күңеленә ятҡан, мөмкинлектәренә тап килгән теләкте һайлап үтәй ала.

“Теләктәр шыршыһы” акцияһы 2018 йылдан алып бөтә Рәсәйҙә тормошҡа ашырыла һәм йыл һайын изге эштәр ҡылырға әҙер меңәрләгән кешене берләштерә. Акцияны ойоштороусылар һәм башҡарыусылар тырышлығы менән алты йыл эсендә 213 мең баланың теләге тормошҡа ашҡан. Йыл һайын акцияла ҡатнашыусыларҙың теләктәрен меңләгән вайымһыҙ булмаған граждандар: дәүләт учреждениелары, коммерция ойошмалары вәкилдәре, шәхси кешеләр тормошҡа ашыра. Йыл һайын Яңы йыл акцияһына Рәсәй Президенты Владимир Путин ҡушыла.

Шулай уҡ 2024 йылда Ғаилә йылы тип иғлан ителгән акция сиктәрендә “Байрам өҫтәле” форматы ҡаралған, ул килеме йәшәү минимумынан түбән булған ғаиләләрҙәге балаларға аҙыҡ-түлек ярҙамын күҙ уңында тота. Был башланғыс арҡаһында һәр вайымһыҙ булмаған кеше мохтаждарға Яңы йыл кәйефен булдырыуға үҙ өлөшөн индерә һәм уларға бөтә ғаилә йыйылған байрам өҫтәлен бүләк итә ала.

“Теләктәр шыршыһы” акцияһы сиктәрендә сараларҙы әҙерләү һәм тормошҡа ашырыуҙың төп этаптары:

1. Рәсәй Федерацияһының тейешле субъекты территорияһында йәшәгән маҡсатлы аудитория араһында ҡатнашыуға заявкалар йыйыуҙы ойоштороу, тейешле документтар ҡушып һәм баланың изге теләген тасуирлап (2024 йылдың 15 ноябре — 20 декабре).

2. Сараларҙы көндөҙгө форматта үткәреү ойоштороласаҡ тейешле субъект кимәлендәге майҙансыҡтар исемлеген билдәләү.

3. Граждандарҙы Яңы йыл балалар теләктәрен үтәүгә йәлеп итеү маҡсатында Рәсәй киң мәғлүмәт сараларында, шул иҫәптән онлайн — киң мәғлүмәт сараларында һәм социаль селтәрҙәрҙә “Интернет” мәғлүмәт-телекоммуникация селтәрендә акцияны киң мәғлүмәт сараларында ойоштороуҙы тәьмин итеү (2024 йылдың декабренән 2025 йылдың 28 февраленә тиклем).

Платформала һәр ролле модель өсөн үҙ мөмкинлектәр функционалы тәҡдим ителә:

“Хыялланыусы” роле 

Акцияла ҡатнашыу өсөн хыялланыусы баланың ата-әсәһенә/башҡа законлы вәкилдәренә:

1. Яңы йыл теләген үтәүгә заявканы 2024 йылдың 15 ноябренән 20 декабренә тиклем елкажеланий.рф акцияһы сайты аша ебәрергә.

2. Яңы йыл теләге, ҡыҙыҡһыныуҙары, ҡаҙаныштары, хоббиһы тураһында анкета тултырырға.

3. Рәсәй Федерацияһы ҡануниәтендә ҡаралған балалар категорияларының статусын раҫлаусы тейешле документтар ебәрергә.

“Партнер-башҡарыусы” роле (юридик шәхестәр өсөн яраҡлы)

Акцияла ҡатнашыусыларҙың теләктәрен үтәүсе партнеры булып Рәсәй Федерацияһының теләһә ниндәй коммерция йәки коммерцияға ҡарамаған ойошмаһы тора ала.

Бының өсөн партнерлыҡ ойошмаһы вәкиленә:

1. елкажеланий.рф рәсми сайтына инеп 2024 йылдың 5 декабренән 2025 йылдың 31 ғинуарына тиклем.

2. “Партнер булыу” төймәһенә баҫығыҙ.

3. Анкетаны тултырырға, пароль уйлап табырға һәм “Теркәлеү” төймәһенә баҫырға.

4. Акцияла ҡатнашыуға ғариза бирергә һәм ойоштороусыларҙың раҫлауын көтөргә.

Шәхси кабинетта партнерлыҡ ойошмаһы вәкиленә артабан ойошма башҡарырға планлаштырған теләктәрҙе һайлап алыу функцияһы бар.

Теләктәрҙе түбәндәге критерийҙар буйынса һайларға мөмкин: төбәк, ҡатнашыусылар категорияһы, теләктәр категорияһы (материаль/материаль булмаған), хаҡтар диапазоны.

Теләктәрҙе үҙ аллы үтәүҙе һайлағанда партнерлыҡ ойошмаһы вәкиле үҙенә уңайлы форматта (онлайн/офлайн) шыршы открыткалары рәүешендә ғаризалар ала.

Әгәр ойошма “Теләктәр шыршыһы”н көндөҙгө форматта үткәрергә планлаштыра икән, баҫма открыткалар макеттарын һалырға мөмкин.

Һәр открыткала үҙ эсенә:

1. Ҡатнашыусының уникаль номеры (ID).

2. Ҡатнашыусының исеме, йәше, йәшәгән төбәге һәм уның теләге.

3. QR-код рәсми сайтта шәхси кабинетҡа күсеү өсөн.

4. Сайттың “ҡыҙыу линия” телефоны.

"Йәшлек" гәзите "йәмғиәт" физик шәхестәр өсөн уңайлы

Акцияла ҡатнашыусыларҙың теләктәрен Рәсәй Федерацияһының теләһә ниндәй бәлиғ булған гражданы үтәй ала.

Бының өсөн кәрәк:

1. елкажеланий.рф рәсми сайтына 2025 йылдың 28 февраленә тиклем инергә.

2. “Теләктәрҙе үтәү” төймәһенә баҫырға.

3. “Башҡарыусы” ҡушымтаһында анкета юлдарын тултырырға, пароль уйлап табырға һәм “теркәлеү” төймәһенә баҫырға.

4. Виртуаль шыршы бүлегендә тәҡдим ителгән фильтрҙарҙы һайларға һәм көйләргә: төбәк, теләктәр һаны, бүләк суммаһы диапазоны.

5. 2025 йылдың 28 февраленә тиклем теләгеңде үтәргә.

Физәлиә Ғәниева.