Газ һәр йортҡа килә башланы

“Газпром” менән берлектә 2025 йылға тиклем республикала газ үткәреү һәм тәьмин итеү программаһы ғәмәлгә ашырыла башланы. Газ торбаһын участка сигенә тиклем һуҙыу барлыҡ граждандар өсөн дә бушлай. Рәсәй Президенты Владимир Путин инициативаһы менән булдырылған федераль программа газ таратыу селтәрҙәре булған бөтә тораҡ пункттарға ҡағыла. “Зәңгәр яғыулыҡ” мәсьәләһе райондың төпкөл ауылдары өсөн айырыуса киҫкен ине. Тиҙҙән “Газпром - Өфө газ бүлеү” ойошмаһы тарафынан Аҙау, Айытмәмбәт, Оҙондар ауылдары халҡы өсөн газ үтәсәк.