Кесе йәштән башлайбыҙ...

Тиҙлек, мәргәнлек, сыҙамлыҡ талап иткән футбол, волейбол уйындарынан бер рәттән, баскетбол төрө лә районда ҙур популярлыҡ яулаған. Ошо спорт төрө буйынса ла төрлө кимәлдәге спорт ярыштары уҙғарылып тора. Һуңғыһы 2-се Архангел мәктәбендә кескәйҙәр араһында “Ҡыҙғылт-һары туп” сиктәрендә уҙҙы.

Бәйгелә алты йыйылма команда, барыһы 70-тән ашыу йәш спортсы ҡатнашты. Дөйөм һөҙөмтәләр буйынса үҫмерҙәрҙән 2-се Архангел – “алтын”, “Баҡалды” – “көмөш” һәм Максим Горький уҡыусылары “бронза” миҙал яуланы. Ҡыҙҙарҙан максим горькийҙарға тиңдәр табылманы, икенсегә – баҡалдылар, өсөнсөгә  2-се Архангел баскетболсылары күтәрелде.

Еңеүселәр махус дипломдар һәм Маҡтау ҡағыҙҙары менән бүләкләнде.

Фәрзәнә Хәсәнова,

“Импульс” балалар ижады һәм спорт үҙәге директоры.