“АрхГаф” шахматсыларҙы йыйҙы

“Йәйғор” балалар һәм үҫмерҙәр клубында Архангел һәм Ғафури райондары араһында “АрхГаф” тип исемләнгән шахмат турниры ойошторолдо. Спорт сараһында 10, 14 һәм 17 йәшкә тиклемге  30-ҙан ашыу йәш спортсы ҡатнашты.

Ярышта үҫмерҙәр һәм ҡыҙҙар ете тур дауамында швейцар системаһы буйынса еңеүселәрҙе асыҡланы. Дөйөм һөҙөмтәләр буйынса архангелдәрҙән үҙ йәштәгеләр араһында Сафина Камила, Чудова Рәлиә, Сысоев Илья – “алтын”, Ғафаров Алмаз, Исхаҡов Артур, Фәттәхов Таһир – “көмөш”, Морозов Петр, Сысоева Диана, Мәзитов Руслан, Шаһиморатова Арина “бронза” миҙал яуланы.