Кемдәр тиҙерәк һәм мәргәнерәк?

8 март байрамы уңайынан “Импульс” балалар ижады һәм спорт үҙәгендә ҡатын-ҡыҙҙар араһында баскетбол ярышы уҙҙы. Сарала ҡатнашыусыларҙы райондың йәштәр эше, физик культура һәм спорт комитеты рәйесе Алевтина Тиунова, ярыштың төп судьяһы Станислав Рубин сәләмләгәндән һуң, ҡыҙыу уйындар башланды.

Дөйөм һөҙөмтәләр буйынса Арх-Латыш ауыл биләмәһенең гүзәл заттары – “алтын”, 1-се Архангел мәктәбе йыйылма командаһы “көмөш” миҙал яуланы. Шулай уҡ сәмле ярыштан баскетболсылар “Иң яҡшы уйынсы”, “Өс мәрәй” һәм “Штраф һыҙығынан туп ырғытыу” номинацияларының еңеүселәрен асыҡланы.