Студенттарға аҡсалата ярҙам

Был хаҡта Рәсәй Хеҙмәт һәм социаль яҡлау министрлығының демографик һәм ғаилә сәйәсәте департаменты директоры урынбаҫары Елена Семенова хәбәр итте.

Добавить в предпочтительные источники Google

“Юғары уҡыу йорттарының көндөҙгө бүлегендә уҡыған 23 йәшлек тиклемге балалар ғаилә составында ҡарала һәм уларға түләүҙәр булдырыласаҡ”, – тине ул. Семенова әйтеүенсә, әле министрлыҡ уның проектын әҙерләгән.

“Юғары уҡыу йорттарында белем алыусыларҙың күбеһе ата-әсәһе елкәһендә. Шуға күрә был түләү бик урынлы. Уны алыу өсөн документтар йыйырға кәрәкмәйәсәк. Дәүләт хеҙмәттәре порталы аша ғариза ҡалдырыу ҙа етәсәк”, – тине Елена Семенова.

Яңы социаль түләүҙәр пакетын булдырыуға 500 миллиард һумға яҡын аҡса тотоноласаҡ.

Дилара Бәҙретдинова әҙерләне.

Фото — асыҡ сығанаҡтарҙан.

Читайте нас