Район прокуратураһында “ҡыҙыу бәйләнеш”

2020 йылдың 23 декабрендә Архангел районы прокуратураһында сәғәт көндөҙгө 13.00-тә янғын хәүефһеҙлеге һәм махсуслаштырылған социаль учреждениеларҙа тәүлек әйләнәһендә кешеләрҙе социаль хеҙмәтләндереү, шулай уҡ өлкән йәштәгеләрҙе социаль яҡлау буйынса федераль ҡануниәт талаптарының үтәлешенә бәйле “ҡыҙыу бәйләнеш” ойошторола.

2-12-99 телефон номеры аша Архангел районы прокуроры Ротков Алексей Валерьевичҡа, 2-18-71 — район прокуроры урынбаҫары Аллағузин Илдус Рәүеф улына, 2-11-51 — прокурор ярҙамсыһы Абзалтдинова Рима Ришат ҡыҙына һәм 2-15-49 номеры буйынса ҡабул итеү бүлмәһенә шылтыратып, ҡануниәтте боҙоу тураһында хәбәр итеү һәм кәрәкле мәғлүмәттәр алыу мөмкинлеге бар.

Бынан тыш, үрҙә күрһәтелгән телефон номерҙары аша граждандар эш көндәрендә сәғәт 09.00-ҙан 18.00-гә тиклем (төшкө ял 13.00 — 13.45) Архангел районы территорияһында тәүлек әйләнәһендә кешеләр йәшәгән социаль учреждениеларҙың эшмәкәрлеге, унда янғын хәүефһеҙлеге ҡағиҙәләренең үтәлеү-үтәлмәү, граждандарҙың хоҡуҡтарын боҙоу хаҡында хәбәр итеп була.

Алексей Ротков,

район прокуроры.

Фото — асыҡ сығанаҡтарҙан.