ИММУНИТЕТТЫ КҮТӘРӘ ТОРҒАН ПАСТА

Амосов пастаһындағы һәр бер емеш үҙе генә лә файҙалы, әмма барыһын бергә ҡулланғанда уларҙың көсө тағын да арта.

Әлеге ҡатнашманы хәҙер үк яһап ҡуллана башлаһағыҙ, һалҡын тейеү һәм грипп кеүек ауырыуларға организмдың ҡаршы тороусанлығы артасаҡ. Сөнки ул иммунитетты күтәрә.

Әлеге пастаны әҙерләү өсөн
йөҙөм – 0,5 кг
күрәгә – 0,5 кг
инҗир – 0,5 кг
ҡара емеш – 0,5 кг
әстерхән сәтләүеге – 0,5 кг;
бал – 500 мл;
1 лимон кәрәк.

Емеш, сәтләүек һәм лимонды ит үткәргес аша үткәргәс, бал менән бутап, банкаларға тултырып ҡуябыҙ.

Пастаны һыуытҡыста һаҡлайбыҙ һәм ашар алдынан 2-3 тапҡыр 1 аш ҡалағы ҡулланабыҙ.