Һайлауға ихлас киләләр

Ауырғазы киң профилле колледждың Архангелдәге филиалы бинаһында урынлашҡан 3516-сы һайлау участкаһында иртәнән эшлекле мөхит — район үҙәге халҡы мөһим һайлауға ихлас килә. Ғаиләләре менән тауыш биргәндәр, тәүге тапҡыр гражданлыҡ бурысын үтәгәндәр бар. Комиссия рәйесе Т.Н.Сытина халыҡтың әүҙем ҡатнашыуын, һайлаусыларҙың илдең төп документтағы үҙгәрештәре яңы тормошҡа нигеҙ һаласағына оло ышаныс белдереүҙәрен билдәләне. Һайлау бөтә хәүефһеҙлек сараларын күҙәтеп үткәрелә: тауыш бирер алдынан тән температураһы үлсәнә, бирсәткә-битлек бирелә, дистанция күҙәтелә.