синоптиктар июндә һауа торошоноң ниндәй буласағын һөйләне

Добавить в предпочтительные источники Google

Башҡортостандың гидрометеорология һәм тирә-яҡ мөхитте күҙәтеү идаралығы йәйҙең тәүге айына яҡынса фараз баҫтырып сығарҙы.

Синоптиктар мәғлүмәте буйынса, июндә Башҡортостанда уртаса һауа температураһының +17,+18 градус булыуы көтөлә, был ғәҙәти күрһәткестәргә яҡын. Норма +17 градус тәшкил итә.

Айлыҡ яуым-төшөмдөң нормаға ярашлы булыуы күҙаллана. Республикала башлыса 40-70 миллиметр яуым-төшөм була.

Гисметео мәғлүмәттәре буйынса, был аҙнала төбәктә болотло һауа торошо, ҡыҫҡа ваҡытлы ямғыр яуыуы, йәшен көтөлә. Һауа температураһы төндә +9,+14, көндөҙ +17,+25 градус.

Киләһе аҙнанан республикала көндәр йылыта. Температураның +30 градусҡа тиклем күтәрелеүе мөмкин. Ямғыр яуыуы һәм йәшен йәшнәүе ихтимал.