Шәхси кабинет аша алырға мөмкин

Рәсәй Пенсия фонды сайтындағы Шәхси кабинет аша пенсия билдәләү, пенсияны килтереү тураһында, әсәлек (ғаилә) капиталы иҫәбенән түләүҙәргә һәм башҡаларға ғариза тапшыра алаһығыҙ. Эшләүсе граждандарға пенсия хоҡуҡтары, стаж, эш биреүселәр тарафынан күсерелгән аҡсалар хаҡында мәғлүмәтте лә ошонда табырға була. Әсәлек капиталы сертификаты эйәләре өсөн уның тотонолған күләме һәм ғәмәлдәге суммаһы тураһында мәғлүмәт тә бар. Шәхси кабинетта алдан заказ биреп түбәндәге документтарҙы алыу мөмкинлеге бирелгән:

социаль хеҙмәттәр (йәки уның өлөшөн) алыуға федераль льготаға эйә булыусының хоҡуғы тураһында белешмә;

әсәлек (ғаилә) капиталының суммаһы тураһында белешмә;

пенсия (бер тапҡыр бирелгән түләүҙәр) алыусы булып иҫәптә тормағанды раҫлаусы белешмә;

вафат булыу сәбәпле пенсияның (социаль түләүҙәрҙең) алып бөтөлмәгән суммаһы тураһында белешмә;

билдәле арауыҡта түләнгән пенсиялар (социаль түләүҙәр) күләме хаҡында белешмә;

СНИЛС-тың күсермәһе;

страховкаланған шәхестең шәхси иҫәбенән күсермә;

пенсия йәки башҡа социаль түләүҙәр күләме тураһында белешмә;

гражданды пенсия алды йәшенә етеүселәр категорияһына индереү хаҡында белешмә.

Алдан заказ биреп документты ҡыҫҡа ваҡытта алырға мөмкин. Үҙегеҙҙе ҡыҙыҡһындырған һорауҙар буйынса Пенсия фонды сайтындағы консультация биреү үҙәгенә (http://www.pfrf.ru/knopki/online_kons) йәиһә БР Пенсия фондының ҡыҙыу бәйләнеш телефонына ((347)229-71-36), “Төбәктең бәйләнештәре” бүлегендә күрһәтелгән район, ҡала идаралыҡтарының белешмәләр телефондарына шылтыратып мөрәжәғәт итә алаһығыҙ. Шәхси йөкмәткеле һорауҙарығыҙҙы Пенсия фондының онлайн-ҡабул итеүҙәренә ебәрергә була.

Пенсия фонды идаралығына барырға кәрәк икән, бының өсөн алдан яҙылыу сервисын файҙаланығыҙ. Был граждандарға үҙҙәре өсөн уңайлы ваҡытты, көндө һайларға мөмкинлек бирә. Сервис ярҙамында шулай уҡ яҙылыу ваҡытын күсерергә йәки уны кире ҡағырға ярай.

Александр Комзалов,

район пенсия фонды идаралығы начальнигы.