Депутаттар ҡан бирә

Республика депутаттары ҡан биреү акцияһында әүҙем ҡатнашты. Иң беренселәрҙән булып Дәүләт Йыйылышы – Ҡоролтай рәйесе Константин Толкачев килде. Был көндә донорлыҡ бурысын тиҫтәгә яҡын парламентарий үтәне.

Акция бының менән генә тамамланмаясаҡ. Депутаттар тағы ла ҡан бирергә киләсәк. Был аҙымы менән улар донорлыҡҡа күберәк кешене йәлеп итергә теләй. Әлеге изоляция шарттарында халыҡтың күпселеге өйҙә ултыра, донорҙар етешмәй, ә ҡан көн дә кәрәк.

"Минең ярҙамымдың кемгәлер файҙаһы тейһә, бик ҡәнәғәт булыр инем, - ти Константин Борисович. - Депутаттарыбыҙ бындай акцияла тәүге тапҡыр ғына ҡатнашмай, уларҙың өлгөһөнә эйәреүселәр булырына шикләнмәйем".