Күрһәтмәлә яңы үҙгәрештәр

Яңы тәртипкә ярашлы кеше судҡа, хоҡуҡ һаҡлау һәм башҡа дәүләт органдарына, муниципаль берәмектәр хакимиәттәренә, повестка менән комиссия үтеүгә саҡыртылһа, үҙ-үҙеңде изоляциялау уларға ҡағылмай. Бынан тыш, күрһәтмә сыҡҡандан алып Башҡортостанда оптика салондарына, шулай уҡ бөҙрәхана һәм визаж хеҙмәттәре (маникюр, педикюр) күрһәткән шәхси эшҡыуарҙарға эшләргә рөхсәт бирелде.

Ләкин уларҙың эшмәкәрлеге түбәндәге шарттарға ярашлы алып барылырға тейеш: алдан яҙылыу, бина эсендә бер үк ваҡытта алты ғына кешенең булыуы (хеҙмәткәрҙәр менән бергә), хеҙмәткәрҙәрҙең һәм клиенттарҙың температураһын үлсәү, дистанция тотоу, ике сәғәт һайын дезинфекция һәм башҡа шарттар.

Үҙ хәбәрсебеҙ.