-9 °С
Болотло
Бөтә яңылыҡтар
Новости
23 Март 2020, 16:53
“Урмандарҙы һаҡлау”
“Экология” милли проектының “Урмандарҙы һаҡлау” федераль проектына ярашлы, былтыр республиканың Урман хужалығы министрлығына ҡараған предприятиеларға ҡеүәтле техника тапшырылды. Ишембай районындағы Маҡар урман хужалығына ла әлеге программа буйынса бөтәһе 46,5 миллион һумға торошло техника алынған.
“Экология” милли проектының “Урмандарҙы һаҡлау” федераль проектына ярашлы, былтыр республиканың Урман хужалығы министрлығына ҡараған предприятиеларға ҡеүәтле техника тапшырылды. Ишембай районындағы Маҡар урман хужалығына ла әлеге программа буйынса бөтәһе 46,5 миллион һумға торошло техника алынған.
Улар араһында һабан, культиватор, кәҫ аҡтарыу кеүек урман тергеҙеү техникаһы, “Беларусь-82.1” тракторы, тағылма, ҡыуаҡ ҡырҡҡыс, ағас әҙерләүгә тәғәйенләнгән “Харвестер Амкодор 2521”, “Форвардер Амкодор 2662-01” кеүек ҡеүәтле сит ил автомобилдәре бар.
Беҙ барғанда, Маҡар урман хужалығы Верхотор участкаһының диләнкәһендә эш ҡайнай ине. “Форвардер Амкодор 2662-01” автомобилендә оператор-машинист Айҙар Мөхәмәтйәнов ағас тейәй. Ул сығышы менән Кинйәбулат ауылынан, яңы техникала эшләргә саҡырғастар, ҡуш ҡуллап риза булған. “Урман хужалығы оператор-машинист һөнәренә уҡытты. Яңы техникала эшләүе рәхәт, йылы кабина, музыка, елләтеү системаһы кеүек бөтә уңайлыҡтар ҙа бар. Хеҙмәт хаҡына ла зарланмайым”, – ти Айҙар.
Верхотор ағас әҙерләү участкаһы мастеры Артем Мальгинға 33 йәш. Уның өсөн урман шөғөлө ят түгел, инде ун йылдан ашыу скандинав технологияһы менән ағас әҙерләүсе предприятиеларҙа эшләгән.
– Быға тиклем Себерҙә, Алыҫ Көнсығышта йөрөнөм. Маҡар урман хужалығына яңы комплекс килеүен ишеткәс, тыуған ерҙә эшләү мөмкинлеге тыуғанға ҡыуанып, ағайым Вячеслав менән бергә ошонда урынлаштыҡ. Ул да был йүнәлештә тәжрибәле хеҙмәткәр. Әле “Харвестер Амкодор 2521” автомобилендә ағас ҡырҡа, ботаҡтарҙы быса һәм продукцияны сорттарға айыра. Себергә йөрөмәйенсә лә аҡса эшләргә була, – ти Артем Мальгин.
Диләнкәләргә яңы техниканың килеүе хужалыҡтың күрһәткестәрен яҡшыртыуға булышлыҡ иткән. Верхоторҙағы бригадала биш кеше ағас әҙерләй. “Заманса техника булмаһа, бында 15 кеше бил бөгөр ине”, – ти Артем.
Маҡар урман хужалығында үҙебеҙҙең урындағы халыҡ эшләүе лә ҡыуандыра. Мәҫәлән, был бригаданан водитель Ринат Насретдинов – Бәләкәй Мәҡсүт, водитель-тейәүсе Салауат Дәүләтшин – Әрмет-Рәхим, водителдәр Рәмил һәм Азат Исмәғилевтәр Петровский ауылынан.
– Милли проект сиктәрендә ғүмерҙә күрмәгән техника килә, Хөкүмәткә рәхмәт. Былтыр бөтәһе 2560 кубометр ағас етештерҙек, быйыл ике айҙа ошо күрһәткесте үтәнек. Берҙән, күптәнге көтөп алған хыял был, икенсенән, эшләргә кеше еткереп булмаған заманда кадрҙар мәсьәләһен дә хәл итеүгә булышлыҡ итә милли проект. Алынған техниканың етештереү ҡеүәте бик юғары. Ошо тиҙлекте һаҡлаһаҡ, техниканың хаҡын өс йылда ҡайтарасаҡбыҙ. Әле насар сортлы япраҡлы урманды “Кроношпан” предприятиеһына ташыйбыҙ. Таҙарған диләнкәлә тиҙҙән яңы урман ҡалҡып сығасаҡ, – ти Маҡар урман хужалығы директоры Сәлим Хафизов.
Улар араһында һабан, культиватор, кәҫ аҡтарыу кеүек урман тергеҙеү техникаһы, “Беларусь-82.1” тракторы, тағылма, ҡыуаҡ ҡырҡҡыс, ағас әҙерләүгә тәғәйенләнгән “Харвестер Амкодор 2521”, “Форвардер Амкодор 2662-01” кеүек ҡеүәтле сит ил автомобилдәре бар.
Беҙ барғанда, Маҡар урман хужалығы Верхотор участкаһының диләнкәһендә эш ҡайнай ине. “Форвардер Амкодор 2662-01” автомобилендә оператор-машинист Айҙар Мөхәмәтйәнов ағас тейәй. Ул сығышы менән Кинйәбулат ауылынан, яңы техникала эшләргә саҡырғастар, ҡуш ҡуллап риза булған. “Урман хужалығы оператор-машинист һөнәренә уҡытты. Яңы техникала эшләүе рәхәт, йылы кабина, музыка, елләтеү системаһы кеүек бөтә уңайлыҡтар ҙа бар. Хеҙмәт хаҡына ла зарланмайым”, – ти Айҙар.
Верхотор ағас әҙерләү участкаһы мастеры Артем Мальгинға 33 йәш. Уның өсөн урман шөғөлө ят түгел, инде ун йылдан ашыу скандинав технологияһы менән ағас әҙерләүсе предприятиеларҙа эшләгән.
– Быға тиклем Себерҙә, Алыҫ Көнсығышта йөрөнөм. Маҡар урман хужалығына яңы комплекс килеүен ишеткәс, тыуған ерҙә эшләү мөмкинлеге тыуғанға ҡыуанып, ағайым Вячеслав менән бергә ошонда урынлаштыҡ. Ул да был йүнәлештә тәжрибәле хеҙмәткәр. Әле “Харвестер Амкодор 2521” автомобилендә ағас ҡырҡа, ботаҡтарҙы быса һәм продукцияны сорттарға айыра. Себергә йөрөмәйенсә лә аҡса эшләргә була, – ти Артем Мальгин.
Диләнкәләргә яңы техниканың килеүе хужалыҡтың күрһәткестәрен яҡшыртыуға булышлыҡ иткән. Верхоторҙағы бригадала биш кеше ағас әҙерләй. “Заманса техника булмаһа, бында 15 кеше бил бөгөр ине”, – ти Артем.
Маҡар урман хужалығында үҙебеҙҙең урындағы халыҡ эшләүе лә ҡыуандыра. Мәҫәлән, был бригаданан водитель Ринат Насретдинов – Бәләкәй Мәҡсүт, водитель-тейәүсе Салауат Дәүләтшин – Әрмет-Рәхим, водителдәр Рәмил һәм Азат Исмәғилевтәр Петровский ауылынан.
– Милли проект сиктәрендә ғүмерҙә күрмәгән техника килә, Хөкүмәткә рәхмәт. Былтыр бөтәһе 2560 кубометр ағас етештерҙек, быйыл ике айҙа ошо күрһәткесте үтәнек. Берҙән, күптәнге көтөп алған хыял был, икенсенән, эшләргә кеше еткереп булмаған заманда кадрҙар мәсьәләһен дә хәл итеүгә булышлыҡ итә милли проект. Алынған техниканың етештереү ҡеүәте бик юғары. Ошо тиҙлекте һаҡлаһаҡ, техниканың хаҡын өс йылда ҡайтарасаҡбыҙ. Әле насар сортлы япраҡлы урманды “Кроношпан” предприятиеһына ташыйбыҙ. Таҙарған диләнкәлә тиҙҙән яңы урман ҡалҡып сығасаҡ, – ти Маҡар урман хужалығы директоры Сәлим Хафизов.