Конкурста ҡатнашығыҙ

Рәсәй Президенты Владимир Путиндың “1941–1945 йылдарҙығы Бөйөк Ватан һуғышында Еңеүҙең 75 йыллығын байрам итеүгә әҙерләнеү һәм уны үткәреү тураһында”ғы Указына ярашлы, төбәктәрҙә мөһим датаны ҡаршылау йәһәтенән әүҙем эш бара.

Республикабыҙ халҡы Бөйөк Еңеүҙең 75 йыллығына арналған “Беҙҙең тарих” бөтә Рәсәй йәштәр проекттары конкурсында ҡатнаша ала. Бәйгегә 7-35 йәшлектәр: уҡыусылар, студенттар, йәш белгестәр саҡырыла.

Сараның маҡсаты – йәштәрҙә Рәсәй тарихына ихтирам тәрбиәләү, яугирҙәрҙең батырлығын танытыу.

Конкурс номинациялары Бөйөк Ватан һуғышы яугирҙәренең ҡаһарманлығына, аныҡ тарихи ваҡиғаларға, эшмәкәрҙәргә арналған ижади эштәр әҙерләүҙе күҙ уңында тота. Беренсе этапта ҡатнашыуға ғаризалар конкурстың рәсми сайтында 2 апрелгә тиклем ҡабул ителә. Финал 7-9 майҙа Мәскәүҙә уҙғарыла. Унда авторҙар эксперттар берләшмәһе алдында үҙҙәренең эштәрен яҡлаясаҡ.