“Еңеү ирекмәндәре” хәрәкәте

13 – 15 мартта Октябрьский ҡалаһында “Еңеү ирекмәндәре” хәрәкәтенең муниципаль бүлексәләре вәкилдәрен Бөйөк Ватан һуғышында Еңеүҙең 75 йыллығына арналған сараларҙы тормошҡа ашырыуға әҙерләү буйынса республика мәғариф форумы уҙғарыла.

“Еңеү ирекмәндәре” хәрәкәте етәксеһе Александр Юдин әйтеүенсә, форум майҙансығында Өфө, Мәскәү һәм Түбәнге Новгород ҡалаларынан килгән эксперттар гражданлыҡ-ватансылыҡ рухында тәрбиә биреү буйынса лекция уҡый, оҫталыҡ дәрестәре үткәрә. Бынын тыш, сарала республика муниципалитеттарында бөтә Рәсәй акцияларын һәм проекттарын тормошҡа ашырыу алымдарын ентекле өйрәнеү ҡарала.

Мәғлүм булыуынса, йыл башынан республикала Хәтер һәм дан йылының ирекмәндәр корпусы туплана. Рәсәй Президенты Владимир Путиндың Указына ярашлы иғлан ителгән Хәтер һәм дан йылы сараларын уҙғарыуҙа Башҡортостандан 800-ҙән ашыу ирекмән ярҙам күрһәтергә теләк белдерҙе. Ил буйынса иһә Еңеүҙең 75 йыллығын үткәреүҙә ҡатнашыу өсөн 50 меңдән ашыу ирекмән ғариза яҙған. Теләге булғандар волонтерыпобеды.рф сайтыеа инеп теркәлеү үтә ала.