+23 °С
Ясно
Новости
17 Марта 2020, 08:35
Еңеү паркын төҙөкләндереүгә 209 миллион һум тотона
Өфөнөң «Ҡаланы йәшелләндереү хужалығы» предприятиеһы дөйөм суммаһы 209 миллион һумға өс килешеү төҙөнө. Ҡала бюджетының ошо аҡсаһы Еңеү паркын төҙөкләндереү өсөн йүнәлтелә, ул 2021 йылдың аҙағына тамамлана, тип хәбәр ителә дәүләт һатып алыуҙарының рәсми сайтында.
Урамдарҙа яҡтыртыу бағаналарын алмаштырыу эштәрен «Интегра төҙөлөш компания»һы башҡара. Хаҡы – 70 миллион һум самаһы. Терәү стеналарын һәм тәпәш ҡоймаларҙы (69,96 миллион һум) «Петроком» төҙөкләндерә, ә бетон плитәләрҙе, тротуарҙарҙы, баҫҡыстарҙы ремонтлау менән «Потенциал» компанияһы шөғөлләнә (килешеү хаҡы – 69,98 миллион һум).
Редакция һайлауы
