Башланғыстар тормошҡа ашһын

Венгрия эшҡыуарҙары Архангел һәм Благовещен райондарында 3 мең башҡа иҫәпләнгән һөтсөлөк комплексы төҙөргә иҫәп тота.

Проектты ғәмәлгә ашырыу өсөн инвесторҙар 6 миллиард 200 миллион һум күләмендә аҡса һалырға ла әҙер. Комплекстар йылына 50 мең тонна һөт етештереү ҡеүәтенә эйә буласаҡ. Мәсьәлә республика Хөкүмәтендә уҙған инвестиция сәғәтендә ҡаралды. Кәңәшмә Хөкүмәт Премьер-министрының беренсе урынбаҫары Андрей Назаров рәйеслегендә үтте.

Инвестиция проекттары буйынса фекер алышыу барышында Хөкүмәт Премьер-министрының беренсе урынбаҫары Андрей Назаров был башланғыстарҙы әлбиттә, хуплауын белдерҙе, шул уҡ ваҡытта уларға дәүләт ярҙамы формалары һәм күләме өҫтәлмә аныҡлау талап итеүен дә йәшермәне.

Дилара Бәҙретдинова.

“Башинформ” мәғлүмәт агентлығынан.

Читайте нас

Редакция һайлауы