Саңғы юлы дуҫтарын йыйҙы

Абҙан ауылында “Рәсәй саңғы юлы-2020” Бөтә Рәсәй спорт сараһы сиктәрендә физкультура уҡытыусыһы Р.И.Фәйзуллин иҫтәлегенә арналған ярыш уҙҙы. Бәйгелә ҡатнашыусыларҙы район Советы секретары Ф.Ф.Йортомбаев сәләмләгәндән һуң, саңғысылар старт һыҙығына баҫты.

Дөйөм һөҙөмтәләр буйынса, үҙ йәштәштәре араһында Рушана Хәсәнова (Абҙан), Асҡар Ҡотләмбәтов (Өфө районы), Азалия Хәсәнова (Абҙан), Илһам Ҡотломбәтов (Абҙан), Зөһрә Әбхәлимова (Оҙондар), Роберт Фәйзуллин (Абҙан) – “алтын”, Регина Хәсәнова (Абҙан), Искәндәр Кинйәғолов (Абҙан), Гөлназ Хәсәнова (Архангел), Байрас Антонов (Абҙан), Гүзәл Хәмиҙуллина (Ҡыҫынды), Фәйез Йортомбаев (Ҡыҙыл Еҙем) – “көмөш”, Лиана Фәйзуллина (Оҙондар), Гөлназ Хәлилова (Оҙондар), Батыр Әхмәтов (Абҙан), Ксения Талдыкина (Архангел), Марсель Ҡадымов (Благовещенка), Рәйлә Хәмитова (Шакировка) һәм Рәфис Төлкөбаев (Приуралье) “бронза” миҙал яуланы. Еңеүселәргә райондың йәштәр эше, физик культура һәм спорт комитеты тарафынан Маҡтау ҡағыҙҙары, иҫтәлекле бүләктәр тапшырылды.